Семінар для эканамічных журналістаў на тэму «Ужыванне Міжнародных стандартаў фінансавай справаздачнасці (МСФС) у Беларусі»

Абвяшчаецца набор эканамічных журналістаў для ўдзелу ў семінары на тэму «Ужыванне Міжнародных стандартаў фінансавай справаздачнасці (МСФС) у Беларусі», які адбудзецца 24 красавіка 2015 года. Арганізатары семінара — Асацыяцыя Еўрапейскага Бізнесу, Аўдытарская кампанія Baker Tilly Bel і Пасольства Вялікабрытаніі ў Мінску.

На семінары прадстаўнікі аўдытарскай кампаніі Baker Tilly Bel і Міністэрства фінансаў раскажуць журналістам пра міжнародныя стандарты фінансавай справаздачнасці:

• што такое МСФС, як яны распрацоўваюцца і абнаўляюцца;
• якая практыка імплементацыі МСФС ў нацыянальнае заканадаўства іншых краін;
• чаму менавіта МСФС прымаецца замежнымі інвестарамі, міжнароднымі фінансавымі арганізацыямі;
• якія асноўныя адрозненні справаздачнасці па нацстандартах і справаздачнасці па МСФС і як ідуць працэсы збліжэння нацыянальнай справаздачнасці з МСФС;
• як беларускія кампаніі складаюць справаздачнасць па МСФС на практыцы;
• як правільна чытаць справаздачнасць па МСФС і дзе убачыць асноўныя паказчыкі, якія характарызуюць эфектыўнасць дзейнасці кампаніі
• якія паказчыкі важныя для інвестараў і фінансавых арганізацый і як яны разлічваюцца на падставе справаздачы (EBITDA і т.п.);
• дзе журналістам ўзяць справаздачнасць па МСФС для аналізу і напісання аналітычных матэрыялаў.

Паглядзець праграму семінара можна тут .

Мерапрыемства разлічана на журналістаў, якія спецыялізуюцца на эканамічнай тэматыцы.

Дата: 24 красавіка 2015 г. (з 9:30 да 12:00)

Месца правядзення: Амбасада Злучанага Каралеўства Вялікабрытаніі і Паўночнай Ірландыі ў Мінску (Мінск, вул. К. Маркса, 37)

Удзел у семінары з'яўляецца бясплатным

Працоўныя мовы семінара: руская і беларуская.

Для ўдзелу ў семінары трэба запоўніць анкету-заяўку ў форме ніжэй на старонцы і дачакацца ліста з пацвярджэннем ад арганізатараў.

Па дадатковую інфармацыю звяртайцеся да Паўла Бераснева, спецыяліста па сувязях з грамадскасцю Асацыяцыі Еўрапейскага Бізнесу па электроннай пошце pavel.berasneu@aebbel.by або тэлефоне +375 172459834, +375 29 7348444.

Чальцы АЕБ, якія ўдзельнічаюць у мерапрыемстве: