На базе АЕБ прайшоў дыскусійны семінар Дзяніса Санько аб кіраванні арганізацыйнымі пераўтварэннямі

Асацыяцыя Еўрапейскага Бізнесу сумесна з экспертам Дзянісам Санько 27 лістапада 2014 года правяла дыскусійны семінар па абмеркаванні найлепшых практык у галіне кіравання арганізацыйнымі пераўтварэннямі.

Падчас мерапрыемства кіраўнікі кампаній і функцыянальных падраздзяленняў азнаёміліся з асноўнымі падыходамі, этапамі і метадамі ўкаранення арганізацыйных пераўтварэнняў у кампаніях, а таксама даведаліся пра падыходы і інструменты аптымізацыі ключавых абласцей для паляпшэнняў.

Удзельнікі атрымалі магчымасць абмеркаваць дастасоўнасць дадзеных падыходаў у Беларусі, а таксама азнаёміцца з вынікамі даследавання Boston Consulting Group (сусветнага лідэра ў галіне кіраўнічага кансалтынгу) "Creating People Advantage" 2012 і 2013 гг.

Эксперт Дзяніс Санько распавёў аб ключавых адрозненнях высокаэфектыўных кампаній ад менш паспяховых канкурэнтаў, а таксама апісаў найлепшыя практыкі ў галіне чалавечага капіталу і кіравання выніковасцю арганізацый.