Камітэты АЕБ

Камітэт — гэта дыскусійная платформа, на пасяджэннях якой члены Асацыяцыі, а таксама запрошаныя кампаніі могуць абмеркаваць праблемныя пытанні прымянення заканадаўства, узаемадзеяння дзяржавы і бізнесу, выпрацаваць сумесную пазіцыю для прадстаўлення яе ў органах дзяржаўнай улады. Па запыце сваіх членаў Асацыяцыя запрашае на пасяджэнні камітэта экспертаў і прадстаўнікоў міністэрстваў і ведамстваў.

У Асацыяцыі на пастаяннай аснове дзейнічаюць:

• HR-камітэт (пытанні кіравання персаналам)

• Юрыдычны камітэт (пытанні прававога рэгулявання)

• Камітэт па харчовай прамысловасці (пытанні рэгулявання рынку харчовых прадуктаў)

• Камітэт па САР (пытанні вытворцаў сродкаў аховы раслін)

Кожны камітэт факусіруецца альбо на пэўнай індустрыі, альбо на канкрэтнай праблематыцы, даючы членам Асацыяцыі і запрошаным спецыялістам магчымасць прафесійна абмяркоўваць розныя пытанні. Удзельнікі камітэтаў Асацыяцыі атрымліваюць магчымасць сумеснымі намаганнямі знаходзіць аптымальныя рашэнні агульных праблем, з якімі еўрапейскі бізнес сутыкаецца ў Беларусі, дзяліцца вопытам, атрымліваць абноўленую інфармацыю пра найноўшыя трэнды ў галіне, новыя прадукты і паслугі, развіццё сумежных галін, тэндэнцыі рынку, павышаючы тым самым свой прафесійны ўзровень.